گوادر میں امن و امان برقرار رکھنے کیلئے ایگل اسکواڈ کی تشکیل دیدیا گیا

, ,

گوادر: بلوچستان کے اہم ساحلی شہر گوادر میں امن و امان کی صورتِ حال برقرار رکھنے اور جرائم پر قابو پانے میں خصوصی مدد کیلئے پولیس کا ایگل اسکواڈ تشکیل دے دیا گیا۔ڈپٹی انسپکٹر جنرل پولیس مکران ڈویژن غلام اظفر مہیسر کے مطابق آئی جی بلوچستان عبدالخالق شیخ کی ہدایت پر تشکیل دیے گئے ایگل اسکواڈ میں فی الحال 40 جوان مختص کیے گئے ہیں جن میں ضرورت کے مطابق اضافہ بھی کیا جا سکے گا۔ایگل اسکواڈ کے ارکان گوادر شہر میں پٹرولنگ کریں گے اور کسی بھی ممکنہ گڑبڑ کی صورت میں فوری کارروائی کے لیے تیار رہیں گے۔ڈی آئی جی غلام اظفر مہیسر نے بتایا ہے کہ حکمتِ عملی کے تحت ایگل اسکواڈ کے جوان چار چار موٹر سائیکلوں پر ایک ساتھ گشت کریں گے۔ڈی آئی جی گوادر نے تشکیلِ نو کے بعد ایگل اسکواڈ کے جوانوں کو ان کی ڈیوٹی اور فرائض پر بریفنگ بھی دی۔

Leave a Reply